రసిక జనులకు రంజకమైనది
పొందలేనా ఘనతర కీర్తి
హిమవన్నగ తుల్యమైనది
హృదయాంతర సీమలు దాటే -మృదు మంజుల కోకిల గీతం
నవనాడుల వీణలు మీటే-ఝంకారమ్ముల తుమ్మెద గీతం
అనురాగ రాగాలే-కళ్యాణయోగాలై
కలత మరచి-కలలు గెలిచి –కరిగించు గీతం-ఒక ప్రణయ గీతం
ఎదరేగిన మంటలనార్పే-జడివానల శ్రావణగీతం
స్మృతిదాగిన వేదన తీర్చే- విరితేనెల ఆమనిగీతం
అనుభూతి స్పందనయే-ఆనందభైరవియై
ఊయలూపి-జోలపాడి-మురిపించు గీతం-ఒక మత్తుగీతం
అరుణోదయ కాంతులు చింది-చీకట్లను చిదిమేగీతం
వేలవేల గొంతులు పలికే-జనజీవన చైతన్యపు గీతం
చెరగని సమైక్యభావం-పూరించగ శంఖారావం
జగతి రథమే-ప్రగతి పథమై-పయనించు గీతం-అభ్యుదయ గీతం
No comments:
Post a Comment