నీ దారి ఎడారిగా మారితే
గ్రీష్మ ఋతువు హేమంత మైతే
కన్నీళ్లతో దప్పికతీర్చుకో
ఆకలి మంటతొ చలి కాచుకో
నీ వెనుకగ నుయ్యెవరో త్రవ్వితే
నీ ముందొక గొయ్యేఎదురైతే
ఈత వచ్చిఉంటే నూతిని ఎంచుకో
చేత కాకుంటే గోతినే ఎన్నుకో
లోకంలో నీవొంటరివైతే
నీ కోసం ఎవరూ లేకుంటే
నీ నీడే నీకు తోడురా
దిగులు వీడి అడుగు వేయరా
నీ వాదం ఒక వేదమైతే
నీ మతమే మానవతే ఐతే
నీవే ఆ కనిపించని దైవం
నీ పథమంతా సమభావం-సమతాభావం
No comments:
Post a Comment