Tuesday, April 21, 2009

మేలుకోరా సోదరా-ప్రళయ శంఖం ఊదరా
ఉడుకు రక్తపు యువత శక్తిని ప్రజ్వలింపగ జేయరా

ఉరకలేసే యువతరానికి-పిరిమందు పోయువారిని
అడుకు అడుగుకు అడ్డుపుల్లలు వేసి ఆనందించువారిని
తరిమి తరిమి కొట్టరా-ఊరి బయటకు నెట్టరా

కులము మతమను కుళ్ళుభావము-క్షణము క్షణము చూపువారిని
గుడులపేరిట లింగములనే మ్రింగి వేసే నంగనాచుల
తరిమి తరిమి కొట్టరా-ఊరి బయటకు నెట్టరా

రక్షచేసెడి వారలే ఇల భక్షకులుగా మారినప్పుడు
రాజకీయపు దుష్టశక్తులు రోజురోజు రేగినప్పుడు
వీరభద్రుడె నాట్యమాడిన విధముగా
కాల రుద్రుడె కన్ను తెఱచిన రీతిగా

No comments: