శాంతికి అర్థం చెప్పిన బాపూ
హింసను దూరం తోలిన బాపూ
పుట్టాడీరోజు-ఇది బాపూ పుట్టిన రోజు
అక్టోబరు రెండూ బాపూ పుట్టిన రోజు ||శాంతికి||
తుపాకులకు వెరవని బాపూ
చెఱసాలకైన వెళ్లిన బాపూ
సత్యాగ్రహముచే పట్టిన బాపూ
ఆంగ్లేయుల నెదిరించిన బాపూ || పుట్టాడీరోజు||
స్వరాజ్యమే తెచ్చిన బాపూ
సమతాభావం చాటిన బాపూ
అస్పృశ్యతను మాపిన బాపూ
మహాత్మునిగ వెలిగిన బాపూ ||పుట్టాడీరోజు||
చాచా నెహ్రుకు చెలికాడు
నేడు పుట్టిన శాస్త్రికి సరితోడు
ఇందిర గాంధికి గౌరవనీయుడు
మనకందరికీ మార్గ దర్శకుడు ||పుట్టాడీరోజు||
No comments:
Post a Comment