జనులందరి కన్నదాత-వీవే రైతన్నా
నిత్యకృషీవలుడవయ్య-ఇలలో రైతన్నా
నీరాజనాలు నీకు- రైతన్నా ||దేశానికి||
పొద్దుపొడవకుండగనే-నిద్దుర లేస్తావు
నీరైనా ముట్టకుండ-పొలం గట్టు కెళతావు
పైరుతల్లి కడుపు నింపి- బాగోగులు చూస్తావు
కంటికి రెప్పలాగ-పంట కాచు కుంటావు ||దేశానికి||
తిండీ తిప్పలు మరచి-ఎండలోన మాడేవు
కుండపోత వానలోను-తడిసీ పని చేస్తావు
స్వేదాన్నే ధారపోసి-సేద్యం చేస్తావు
ప్రకృతితో చెలిమిచేసి-పరవశమొందేవు ||దేశానికి||
కరువుకాటకాలతో-పోరాటం చేస్తావు
తుఫానులూ వరదలకూ-ఎదురొడ్డి నిలిచేవు
కష్టాలకు నష్టాలకు-బెదరని ఓ రైతన్నా
మహనీయులకే నీవు-మార్గదర్శివోయన్నా
నీ మనసు కష్టపెట్టుకుంటే
నీవు సమ్మెను ప్రకటిస్తే
మేమంతా ఉపవాసమె
మా కడుపులు ఖాళీయె
No comments:
Post a Comment