Wednesday, April 29, 2009

జగమెరిగిన సత్యానికి సాక్ష్యమెందుకూ

జగమెరిగిన సత్యానికి సాక్ష్యమెందుకూ
ముంజేతి కడియానికి అద్దమెందుకూ
పెదవులపై చిరునవ్వులు పులుముటెందుకూ
హృదయములో వేదనతో కుములుటెందుకూ

కాగలనీ కార్యానికి గంధర్వులెందుకు
రాగలనీ కాలానికి గ్రహఫలాలు ఎందుకూ
తెగువ ఉన్న శౌర్యానికి ఒకరి తోడు ఎందుకు
తెగనున్న ఉరిత్రాడుతొ మరణయత్నమెందుకు

ఆశయాల నీ ఇంటికి తలుపులెందుకు
పిశాచాల శవవాటికి పిలుపులెందుకు
నినులేపే రవికి మేలుకొలుపులెందుకు
మునిమాపే శయనిస్తే వలపులెందుకు

No comments: