నీ మాయలెరుగ వశమా-జగమేలు సార్వభౌమా
మూఢమతిని-మోక్షార్థిని-జోలె తెఱచి నీ వాకిట
నిశ్చయముగ సుస్థిరముగ విశ్వాసముగ నిలిచితి
1. మనిషి మనిషిలో నిన్నే ఎంచి చూడమంటావు
జీవరాశులన్నీ నీ ప్రతిరూపాలంటావు
సహజీవన సమభావన నువు చాటిన బోధన
మది నిండానువు నిండితె మనిషికేది వేదన
2. దీర్ఘకాల వ్యాధులన్ని చిటికలోన మాన్పేవు
సారమున్న చదువులన్ని క్షణములోన నేర్పేవు
నిత్యబిచ్చగాడినైన కుబేరునిగ చేస్తావు
గుండెలోని భారమంత చిరునవ్వుతొ తీస్తావు
3. అద్భుతాలనెన్నొ జేసి అబ్బురాన ముంచేవు
గారడీలనెన్నొ జూపి వశీకరణ జేస్తావు
మాయా జగమిదియని మా భ్రమలను తొలగిస్తావు
విభూతినీ మాకొసగీ మర్మము నెరిగిస్తావు
No comments:
Post a Comment