Thursday, June 18, 2009

నయనాలలో నీ చిరునవ్వులు 
అధరాలలో కొంటె కవ్వింపులు 
ఊరించిఊరించి వలవేసెను 
ఉడికించిఉడికించి నను దోచెను 

1. హరివిల్లువిరిసె నీ కెమ్మోవిలో 
నా పెదవి రవికళ్ళు అలరించగా 
చిరుజల్లు కురిసె నా ఎదదీవిలో 
నా బ్రతుకులో బీళ్లు పులకించగా 
అనురాగమయమే మనలోకము 
కలనైన దరిరాదు ఏ శోకము 

2. కార్తీక వెన్నెలలు అమృతము కురిసే 
తొలిరేయికై హాయి కానుకగ నీయ 
వాసంత కోయిలలు స్వాగతము పలికే 
శుభలగ్న సమయాన సన్నాయిలై కూయ 
తేనె విందులె మనకు ప్రతి నిత్యము 
పూలపానుపె బ్రతుకు ఇది సత్యము

No comments: