జీవితమే పెద్ద హోరు
వయసే పారే సెలయేరు
ఎందులకీ బ్రతుపోరు
ఎపుడూ ఉంటుంది కన్నీరు
1. బాల్యమేమో బడిలోన మరిచేను
యవ్వనాన్ని చెలి ఒడిలోన విడిచేను
సంసార జీవనము చెరసాల సమము
వృద్ధాప్యమంతా వ్యధతోనె గడచును
2. ఏదో అందుకోవాలని ఆరాటం
తీరని కోర్కెల ఉబలాటం
దినదినము ఆకలి పోరాటం
అనుక్షణము మృత్యువు చెలగాటం
3. మంచిని త్రుంచి వంచన పెరిగెను
మనిషి మనసులో ఘర్షణ జరిగెను
నూరేళ్ళబ్రతుకున ఏమి ఒరిగెను
తత్వచింతనయె తరియింపజేయును