ఓ బొజ్జ గణపయ్యా కరుణించవేమయ్యా
ఎన్నాళ్ళు నీ పూజలూ-ఎన్నాళ్ళు నీ భజనలు
నిరతమూ వేడినా-నిను మదిలొ నిలిపినా
దయరాదా నాపైనా-సిద్ధివినాయకా బుద్ది ప్రదాయక
1. నీ పాద దాసుడనై-నీ మీది ధ్యాసుడనై
నీ దివ్య సన్నిధిలో-
నేను నీలొ కలిసి పోయి-నీవె నాలొ నిలిచి పోయి
తనువూ-జగమూ శూన్యమై
నా మనసే నీలో లీనమై
పరవశించె ఆ భాగ్యం-కలిగించవయ్యా-కరుణించవయ్యా
2. క్షణికమైన సుఖములను ఆశించ లేదయ్యా
తుఛ్ఛమైన కోరికలు అర్థించలేదయ్యా
ఈ అంధకార మార్గంలో
వెలుగు దారి చూపించు
జ్ఞాన దృష్టి కలిగించు
బాధా భరితము ఈ జీవితము
సారరహితమీ సంసారం.........
ఈదలేను విఘ్నేశా
దాటించవయ్యా నీ దరి జేర్చవయ్యా
No comments:
Post a Comment