మణికంఠ నీ దివ్య గీతార్చనం
స్వామీ మా మదిలోన దర్శింతుము
శబరీశ నీ భవ్య సంకీర్తనం
మైమరచి నోరార భజియింతుము
1. విఘ్నేశుడే నిన్ను రమ్మని ధ్యానించె
హిమవంతుడే హృదయాసనమందించె
అష్టదిక్పాలురే అర్ఘ్యపాద్యాలనిచ్చిరి
గంగమ్మ నిన్నింక జలకమ్ములాడించె
2. శ్రీలక్ష్మి వస్త్రాలు ధరియింపజేసే
గాయిత్రి యజ్ఞోపవీతమ్మునిచ్చె
గోవిందుడే నీకు చందనమ్ము పూసే
పరమేశుడే నీకు భస్మాన్ని రాసే
3. వాగ్దేవి కుసుమాల మాలలే వేసే
బ్రహ్మ-అగ్నిలు ధూపదీపాలు వెలిగించె
పార్వతీమాతయే నైవేద్య మందించె
నాగరాజు తాంబూలమిచ్చే-షణ్ముఖుడు హారతులు పట్టే
4. సప్తఋషులే వేద మంత్రాలు చదివిరి
నవగ్రహములు పాదసేవలు జేసిరి
నారదుడు తుంబురుడు గానాల తేల్చిరి
నందియూ భృంగియూ నాట్యాలు చేసిరి