Sunday, June 7, 2009


మల్లెలు పూసే నా మదిలో
 అది ఏమాసమైనా మధుమాసమే 
వెన్నెలకాసే నా తలపులలో 
అమవసనిసిలోను ఆహ్లాదమే 

 1. లేనివెక్కడ లేమి వేదన 
కార్చనిదెవరిల కన్నీరు 
బాధే సుఖమను భావన కలిగిన 
జీవనమే కదా బృందావనము 

 2. చిరునవ్వుమాటున బడబాగ్ని దాగద 
హృదయాంతరాళాన ప్రళయ హేల 
విశ్వజనీనము అనురాగమైన 
రాగము ద్వేషము హాస్యాస్పదము 

 3. శాంతి సుఖము తృప్తియన్నవి 
అనుభూతికే కదా అందునవి
అందగ రాని చందమామను 
పొందగరాదా అద్దమునందున

No comments: