Saturday, June 27, 2009

నేను తప్పుచేసానంటే ఆ తప్పు నీదే
అయ్యప్పా! నే దాన్ని ఒప్పుకోలేకపోతె ఆ తప్పూ నీదే
నీవూ నేనూ ఒకటె అన్నది తప్పుకాకపోతే
తప్పు నాదన్నా నీదన్నా అది తప్పు కాదే!
1. పూర్వజన్మ కృతమన్నది స్వీకృతమే ఐతే
జన్మదాటి వెంటాడిన దోషానిదె దోషము
గతజన్మలోనేను పాపాత్ముడనే ఐతే
పాపికి మరుజన్మనిచ్చిన నీదేకద లోపము
తప్పులెన్నువారు తమ తప్పులెరుగరట స్వామీ
నా తప్పులనెంచ బూనితె నీదీ ఒక తప్పేకద
2. పొరపాటులె నాకలవాటుగ అయినాయంటే
ఆ దురలవాటు మాన్పించని నీదే కద పొరబాటు
పుట్టుకతో నేనెరుగని నేరములన్నీ
నాతో చేయించే నీదే కద ఆ నేరము
నాటకాలు ఆడించీ నవ్వుకునే సూత్రధారీ
ఆటగెలిచినా ఓడినా నీవే కద జవాబుదారీ

No comments: