నిన్ను ఊరంతా చూడ తగునేమో
నేను చూస్తేనే దోషమగునేమో
ఇది ఎంతటి విడ్డూరం-ఇది ఎక్కడిదో న్యాయం
1. గాలేమో నీ తనువును తాకవచ్చును
నీళ్ళేమో అణువణువును తడమ వచ్చును
కోకేమో కౌగిలిలో బంధించ వచ్చును
నన్ను చూస్తేనే సిగ్గు నీకు ముంచుకొచ్చును
2. తాంబూలం నిన్నెంగిలి చేయవచ్చును
దర్పణమూ నీ అందం కొలువవచ్చును
సింధూరం నీ నుదుటిని చుంబించ వచ్చును
నువ్వు సయ్యాటలాడి నన్నుడికించవచ్చును
3. తొంగితొంగి నీవేమో చూడవచ్చును
నంగనాచిలాగా నటియించవచ్చును
పదేపదే పరువాలతొ ఊరించవచ్చును
కడలి నడుమ నా నావ ముంచవచ్చును
No comments:
Post a Comment