ఈ లోకంలో నీవొంటరివి
ఏనాడైనా ఏకాకివి
విశ్వమనంతం కాలమనంతం
అంతానేననే ఎందులకీ పిచ్చిపంతం
1. ఎవరెవరు నీవాళ్ళు ఎందాక స్నేహితాలు
ఎవరు హితులు- ఎవరు మిత్రులు
బెల్లముంటె సరి ఈగలు
నిజం మరచి నిదురోయేవు -ఏటిలోన మునిగేవు
లేనెలేదు స్నేహితత్వం-అసలులేదు మానవత్వం
సృష్టిలోని భ్రమలన్నిటికీ-ప్రతి మనిషీ బానిసత్వం
2. నేలవిడిచి సాములు- ఉత్త గాలిమేడలు
నూనెరాని గానుగలు-బ్రతికిన ఈ పీనుగలు
ఎవరురారు నీదారికి-నీకు నీవె మరి ఆఖరికి
భయపడకు ధైర్యం విడకు-ప్రతి క్షణము తొందర పడకు
ఎక్కరాని శిఖరాలైనా- చేరగలవు నీవే తుదకు
No comments:
Post a Comment