ఏ పాద మంజీర నాదాలలో
జగతి పులకించి మైమరచునో
ఏ దివ్యతేజః పుంజాలలో
జనులు జ్ఞాన చక్షులు తెరచి తిలకింతురో
ఏ తల్లి కరుణార్ద్ర దృక్కాంతి ప్రసరించగా
జన్మ చరితార్థమగునో
ఏ అమ్మ చనుబాలు మృతసంజీవినీలై
మనిషి మనుగడను కాపాడునో
ఏ వదన వీక్షణామాత్రంబు
సర్వజన దుఃఖ పరిహారమగునో
ఏ దేవి నర్చింప
సకల సౌభాగ్య భోగములు లభియించునో
అట్టి వనశంకరీ దేవి
సింహవాహిని
డోలాసుర భయంకరి
పద్మాసని
అఖిలాండకోటి బ్రహ్మాండ నాయకి
వాగ్దేవి
నన్ను నిన్ను సకల మానవాళిని
సదా సర్వదా రక్షించుగాక!
No comments:
Post a Comment