దర్పణమై నీ అందాలే కొలిచా
దరహాసమునై-నీ పెదవులపై నిలిచా
ఆతృతగా నా ఎదవాకిలి తెఱిచా
అర్పణగా నా బ్రతుకే నీకై పరిచా
1. రాతిరినై నీ కురులలోన కలిసా
ఉదయమునై నీ వదనముపై వెలిసా
రంగుల హరివిల్లును నేనై
తనువంతా ప్రభవింపజేసా-పరవశింపజేసా
2. మరుమల్లికనై నీ జడలో మెరిసా
మందారమునై నీ చెక్కిలిపై విరిసా
సుగంధాల ప్రబంధ నాయికగా
నిన్నే పరిమళింపజేసా-ప్రస్తుతింపజేసా
3. అనురాగమునేనై మనసారా వలచా
ఆనందమునై నను నేనే మరిచా
తగనివాడనని తప్పుకొంటివని
తలచితలచి నే వగచా-జీవశ్చవమై నిలిచా