వేణువునై నీకై వేచేనురా
యమునా నదినై ఎదురు చూసేనురా
రారా కృష్ణా- రారా కృష్ణా రారా రారా రావేర కృష్ణయ్యా
ఈ జాగేలరా కృష్ణయ్యా
1. నెమలి పింఛమునై నీ శిఖలో నిలవాలని
కస్తూరి తిలకమునై నీ నుదుట మెరవాలని
నీలి వర్ణమునై నీ దేహాన్ని నిమరాలని
నేకన్న తీపి కలలు కల్లలు చేయకురా ||రారా కృష్ణా||
2. ఒక రాధ ఎదలో కొలువై యున్నావు
ఒక మీరా మదిలో నెలకొని యున్నావు
ఒక కుబ్జ పాలిటి వరము నీవైనావు
ఈ దీనురాలి మొరనే వినకున్నావు
3. చిరుగాలికెరుకా నావిరహ వేదన
మరుమల్లికే తెలుసు నావయసు తపన
వెన్నెలకే ఎరుకా నా నిట్టూర్పుల వేడిమి
సర్వాంతర్యామి నను నీవెరుగకున్నావా