ఒక నిమిషం జననం
మరునిమిషం మరణం
రెంటిమధ్య నలిగే ఏమిటి ఈజీవితం
ఏమిటీ జీవితం
1. వేసిన ఆ స్వర్గానికి పలు నిచ్చెనలు
కూలిన ఈ అనుభవాల సౌధములు
ఆశల అడియాసల ఈ గారడిలో
ఏమిటి ఈజీవితం- ఏమిటీ జీవితం
2. మనుషుల మాటవినని మనసులు
మనసులతో పనిలేని మనువులు
ఇరుమనసుల ఈ మనువుల రాపిడిలో
ఏమిటి ఈజీవితం -ఏమిటీ జీవితం
3. మెరిసిన ఆనందపు చంద్రికలు
ముసిరిన ఆవేదన తిమిరములు
ఈ చీకటి వెలుగుల దీపావళిలో
ఏమిటి ఈజీవితం -ఏమిటీ జీవితం