Sunday, July 19, 2009

ఎవరిదారి వారు చూసుకొంటారు
నట్టడవిలోనే నిన్నొదిలి వెళతారు
బేలగా దిక్కులు చూస్తున్నా
తాబేలులా అడుగులు వేస్తున్నా
తొలగిపోబోదు నీ దైన్యము
నువు చేరలేవు ఏ గమ్యము
1. లోకమే పాఠశాలగా లౌక్యాన్ని నేర్చుకో
అనుభవాల గుణపాఠాలతొ భవిత తీర్చి దిద్దుకో
అతిగా నువు ఆశిస్తే దొరికేది ఆశాభంగం
ప్రతి ఫలితం స్వీకరిస్తే బ్రతుకంతా ఆనందం
2. నీతోటి ఎప్పుడూ ఉండేది నీవు మాత్రమే
బంధువులు స్నేహితులు రంగస్థల పాత్రలే
తామరాకుపై నీటిబొట్టు కావాలి నీ నైజం
శాంతి సంతోషాలతో సాగాలీ జీవితం

No comments: