నెత్తిమీద ముల్లే మూటా
సంకలోనా పిలాజెల్లా
కూడిమేము నీ కాడికొస్తిమి ఓ నరుసయ్యా
కనికరించి కాపాడుమంటిమి దరంపూరి నర్సయ్య
1. పట్టెనామాలు కోఱమీసాలు పట్టుకొస్తిమి ఓ నరుసయ్యా
దీటుగా సింగారించవో దరంపూరి నర్సయ్య
పప్పుబెల్లాలు కుడుకలు పండ్లు నీకు ఫలారం ఓనర్సయ్యా
ఆరగించి నీ దయ ఉంచు దరంపూరి నర్సయ్య
2. పాడిపంటా పిల్లామేకా సల్లంగ సూడవో నరుసయ్యా
పాపాలనన్ని పోగొట్టె తండ్రీ దరంపూరి నర్సయ్యా
గంగలొ మునిగి తడిబట్టతోనే నీ గుడిచేరేము నర్సయ్యా
సంసార కూపం బహుజన్మ పాపం దరిజేర్చుకొ నర్సయ్యా
No comments:
Post a Comment