Thursday, July 2, 2009

నా దేహమె షిర్డీ సాయీ
నాహృదయం ద్వారక మాయీ
నా పలుకే సాయి లీలామృతము
నా బ్రతుకే సాయి నీకంకితము

1. నీ నామగానమే నాకు సుప్రభాతము
నే చేయు స్నానమె నీ దివ్యాభిషేకము
నే పాడు కీర్తనలే నీ కైదు హారతులు
ననువేధించే వేదనలే నీకైనివేదనలు

2. జనులతోటి నాచర్చలె నీ భజనలు
వాదనల సారమే సాయి నీ బోధనలు
నే చేసే కర్మ ఫలము నీకే సమర్పయామి
మనసావాచాకర్మణ సాయి నమో నమామి

No comments: