Thursday, July 23, 2009

సాయీ నువ్వే నాకు కావాలోయి
సాయీ నువ్వే దిగి రావాలోయి
ఏమాయెనో సాయి నీ మాయలో పడితి
చేయూత నందించి చేదుకొనగ సాయమడిగితి
1. కనులు ఉన్నాయిగాని-అహముతో మూసుక పొయినయ్
చెవులు వింటాయి గాని-నీచరితమెరుగము అంటయ్
నాలుకైనా సరే నీ నామమసలె పలుకక ఉంది
కాలుకైనా మరీ నీ గుడిదారే తెలియదు అంది
ఏమాయెనో సాయి నీ మాయలో పడితి
చేయూత నందించి చేదుకొనగ సాయమడిగితి
2. కామమే లేక నీ –నామం జపియించనైతి
ఓపికేలేక నేను కోపగుణము గెలువకపోయితి
నీవిచ్చిన ధనమే ఐనా దానమన్న చేయక పోయితి
కాలమహిమ తెలియకనే గాలిలోన మేడలు కడితి
ఏమాయెనో సాయి నీ మాయలో పడితి
చేయూత నందించి చేదుకొనగ సాయమడిగితి

No comments: