Wednesday, July 15, 2009

సాయి నామాలే అమృతము
పాడుము వేడుము ప్రతిదినము
సందేహమెందుకు చింతలుదీరగ
పావనమగు నీ జీవనము
1. గౌతమితీరాన షిర్డీ పురమున
విలిసిల్లు చున్నాడు శ్రీసాయి
అపర వైకుంఠం –శాంతికి అది నిలయం
ద్వారకామయి మందిరము
ప్రశాంతి నిలయమీ మందిరము
2. కోరుకున్నవారికిల కొంగు బంగారము
ప్రత్యక్ష దైవము శ్రీసాయి
తృణమో పణమో-దినమో క్షణమో
చేసుకుంటే సేవ హాయి-కరుణించు షిర్డీ సాయి
3. పనిపాటలలో సాయిని తలపోసి
సర్వం సాయి సమర్పణ జేసి
సాయీ నిను వినా-శరణం నాస్తియని
శరణాగతి పొందవోయి-కైవల్య గతి సాగవోయి

No comments: