నను లాలించగ రావే ఓ నిద్దుర తల్లీ
నను ఓదార్చగ రావే ఓ ముద్దుల చెల్లీ
1. జీవితాన నేనెంతో అలసిసొలసి నిలిచితిని
పదేపదే పరుగిడి నే పలుమార్లు విసిగితిని
సహనమనేది నాలో సమూలంగ చచ్చినది
కరుణించి నీ ఒడిలో సేదదీర్చుకోనీవే
2. తపము చేసి నీకై నే కోరితి ఈ చిరువరం
నా వంటి వారంటే నీకెందుకు ఈ వైరం
శయనించవె కనుపాపల తల్పముపైన
ఎక్కించవె నన్నొకపరి కలల పల్లకీ మీద
3. లయకారుడి సిరిమువ్వవి నీవే కాదా
యమరాజుకు ప్రియసఖివి నీవే కాదా
మృత్యుదూతనెచ్చెలీ-మరణ ఢమరుకధ్వనీ
శాశ్వతముగ నాచెంతకు ఇకనైనా రారాదా