Wednesday, June 10, 2009


ఓ ప్రేయసీ!
భువికి దిగిన ఊర్వశీ
నిన్ను చూసి సౌందర్యానికి ఎంతటి జెలసీ
నీవేలే నా ప్రణయ గీతం
నీవేలేనా ఉషస్సరాగం
1. అందమైన సాయంత్రాలు
ఆర్ద్రమైన నీ నేత్రాలు
నేర్పు ప్రేమ తొలి పాఠాలు
తీర్చును మొహమాటాలు
నీవేలే నా ప్రణయ గీతం
నీవేలేనా ఉషస్సరాగం
2. నీ నవ్వుల గలగలలే
సెలయేరులు ఆశించు
నీ పలుకుల కులుకులకే
రాచిలుకలు తలవంచు
నీవేలే నా ప్రణయ గీతం
నీవేలేనా ఉషస్సరాగం
మనసైన చెలియలేక
నయనాల ఏరువాక
సాగింది శిథిలనౌక
తీరాన్ని చేరలేక
1. ఎనలేనిదీ ఈ మోహము
మనలేనిదీ విరహం
విధి వ్యూహం తీరదు దాహం
తీర్చదు ఏ ప్రవాహం
2. ఏ మ్మూఢమో ఆషాఢమో
దృఢమైన ఎద సడలే
అనురాగం అతి గాఢం
బంధించగా జాలం
3. ఈ గీతమే సందేశము
అందించవే మేఘం
కలిగించు రసయోగం
రసరాగ సంయోగం
రాగాలు చిలుక సరస హృదయ రమ్య వీణనూ
మ్రోయించువారు లేక నేడు మూగవోయెను
1. మధుమాసవేళ పాడుటకై కోయిలమ్మకూ
లేమావి చివురులేక నేడు అలమటించెను
2. బృందావనాన రాధకాలి అందె సవ్వడి
కనలేక మురళి కంటిలోన నిండెనే తడి
3. జాబిల్లి జాడ కననిబేల జీవజీవము(చకోరి)
గోదారివరద భంగి పొంగె గుండె శోకము