Sunday, June 21, 2009

నిన్నే నే మది నమ్మితిని షిరిడీ సాయి
దిక్కిక నీవేనని నే చేరితిని ద్వారకమాయి
1) పంచేంద్రియములు మరి శత్రువులార్గురు
వంచనతో మది చంచల పరతురు
సంచితమాయె ప్రాపంచిక చింతన
చింతదీర్చి నన్నించుక బ్రోవర
2) కులమిది నాది మతమది నీదని
ఇతరులతో నే వాదములాడితి
జగతికి మూలం జనులకు దైవం
ఒకడవె నీవని ఎరుగనైతిని
3) జీవరాశులలొ జీవమునీవే
పంచభూతముల భావము నీవే
అణువణువున చైతన్యము నీవే
అంతరాత్మలో స్పందన నీవే