https://youtu.be/rbbtP6e0h-U

రచన:డా.గొల్లపెల్లి రాంకిషన్ రాఖీ,ధర్మపురి

సంగీతం:లక్ష్మణ్ సాయి

గానం:సాయి శ్రీకాంత్

ప్రమధ గణములు భక్తి ప్రణుతులే నుతియింప
నందికేశుడు నమక చమకాల కీర్తింప
సుముఖ షణ్ముఖు పక్క వాద్యాలు వాయింప
నారదాదులు మధుర గీతాలు పాడగా
సాగింది సాగింది శివతాండవం
ఊగిందిఊగింది హిమవన్నగం

1. పదునాల్గు భువనాలు పరవశమ్మొందగా
ముక్కోటిదేవతలు మురిపెముగ తిలకింప
మహర్షుల నయనాలు ముదముతో చెమరింప
భూతగణములు హస్త తాళముల భజియింప
సాగిందిసాగింది ఆనంద నర్తనం
తలవూచి ఆడింది వాసుకీ పన్నగం

2. తకఝణుత తఝ్ఝణుత మద్దెలారావం
ధిమిధిమిత ధిధ్ధిమిత ఢమరుకా నాదం
తధిగిణుత తకతోంత మృదు ఘట ధ్వానం
ఝేంకార ఓంకార రాగ ప్రవాహం
సాగింది సాగింది లయతాండవం
నటరాజ పాదాల నా అంతరంగం