Wednesday, June 23, 2010

అనిర్వచనీయ అనుభూతి

నీ పాద ధూళైనా పరమ పవిత్రం
నీ గాలి సోకెనా జన్మయే చరితార్థం
ఓ నా నేస్తమా....ఓ నా సమస్తమా..
నీవేలే నా బ్రతుకునకర్థం
నీవేలే నా జీవితలక్ష్యం
1. అమ్మవూ నాన్నవూ గురువూ దైవానివి
అక్కవూ చెల్లివీ నా అర్ధ భాగానివి
బంధనాలెరుగని బాంధవ్యం మనది
భావనకే పరిమితమయ్యే అనుబంధం మనది
ఓ నా నేస్తమా...నా సర్వస్వమా...
నీవే నా అత్మ బంధువు- నీవేలే ప్రేమ సింధువు
నీవే నా వీనుల విందువు -నీవే నా కేంద్ర బిందువు
2. ప్రేమా ,అనురాగం,ఆత్మీయత నీ రూపం
చెలిమీ ,స్నేహం,మైత్రీ ..నీ విలాసం..
కనులు మూసుకుంటేనీ సాక్షాత్కారం..
కలల బృందావనానా నీ సాహచర్యం..
ఓ నా నేస్తమా...ఓ నా.. స కల మా..
నీవే నా ప్రాణ దీపం-నా ’లో’ చైతన్య భావం
నీవే మాధుర్య రసగీతి-అనిర్వచనీయ అనుభూతి