“సౌందర్యరాశి”
చూపు తిప్పుకోలేను-చూసి తట్టుకోలేను
ఎంత ప్రయత్నించినా-దృష్టి ని మరలించలేను
నిన్ను గెలుచుకోలేను-ఓటమి భరియించలేను
రెండింటి మధ్యనలిగి రేవడినై పోలేను
కుమ్మరి పురుగై నా మెదడంతా తొలిచేవు
సాలెపురుగులాగ నీ వలలో బంధించేవు
1. అపరంజి తళుకులు నీ ముందు వెలవెల
మేఘాల మెరుపులూ తలదించుకోవాల
చందమామ బెంగపడీ చిక్కిశల్యమవ్వాల
నక్షత్రకాంతి కూడ నగుబాటు చెందాల
అందానికి కొలమానం నీ అందమేలే
అపురూప ఉపమానం ఇకనుండి నీవేలే
2. పెద్దన ముద్దుల నాయకి వరూధినే వణకాల
కాళిదాసు కావ్య కన్య శకుంతలే జడవాల
అప్సరసలు నీ ముందు అణిగిమణిగి మెలగాల
మోహినే దిగివచ్చి నీకు మోకరిల్లాల
ఎంతవారలైనా కాంతల దాసులే
సౌందర్యవతులైనా నీ పాదా క్రాంతులే
చూపు తిప్పుకోలేను-చూసి తట్టుకోలేను
ఎంత ప్రయత్నించినా-దృష్టి ని మరలించలేను
నిన్ను గెలుచుకోలేను-ఓటమి భరియించలేను
రెండింటి మధ్యనలిగి రేవడినై పోలేను
కుమ్మరి పురుగై నా మెదడంతా తొలిచేవు
సాలెపురుగులాగ నీ వలలో బంధించేవు
1. అపరంజి తళుకులు నీ ముందు వెలవెల
మేఘాల మెరుపులూ తలదించుకోవాల
చందమామ బెంగపడీ చిక్కిశల్యమవ్వాల
నక్షత్రకాంతి కూడ నగుబాటు చెందాల
అందానికి కొలమానం నీ అందమేలే
అపురూప ఉపమానం ఇకనుండి నీవేలే
2. పెద్దన ముద్దుల నాయకి వరూధినే వణకాల
కాళిదాసు కావ్య కన్య శకుంతలే జడవాల
అప్సరసలు నీ ముందు అణిగిమణిగి మెలగాల
మోహినే దిగివచ్చి నీకు మోకరిల్లాల
ఎంతవారలైనా కాంతల దాసులే
సౌందర్యవతులైనా నీ పాదా క్రాంతులే