Thursday, May 27, 2010

నా కలా! ఎందుకలా?

నా కలా! ఎందుకలా?
“ ’కల’వని “ తలవనా
కలనైనా కలవని నేస్తమా
కలయిక మనకిక సాధ్యమా
కలవరమే నాకిక ప్రాప్తమా
1. కలకాలం నిలిచే స్నేహము
కలదో లేదో ఎరుగము
కలరవమగు నా జీవితగీతం
కలగాపులగం నా భవితవ్యం
కలయిక మనకిక సాధ్యమా
కలవరమే నాకిక ప్రాప్తమా
2. కలకోకిల వైనం నీ గానం
కలహంసల తుల్యం వయ్యారం
కలమే రాయని నువు మధు కావ్యం
కలత చెందె నా ఎద నీకోసం
కలయిక మనకిక సాధ్యమా
కలవరమే నాకిక ప్రాప్తమా