Sunday, July 25, 2010

వందే జగద్గురుమ్ - గురుపౌర్ణమి శుభాకాంక్షలు!!.

వందే జగద్గురుమ్
గురుపౌర్ణమి శుభాకాంక్షలు!!
సాకి:
గురువులకు జగద్గురువీవనీ...
గురువారమ్మని పిలిచితి గురువా!... రమ్మనీ
పల్లవి:
ఓం సాయిరాం షిర్డీ సాయిరాం
ఓం సాయిరాం ద్వారకమాయి రాం
అనుపల్లవి:
మాయలు చేసి భ్రాంతిలొ ముంచీ
నీ నుంచి దూరముంచుతావేమయా...ఓ..ఓ..||ఓం సాయిరాం||
చరణం1.
చపలమైన చిత్తమూ-చేయనీదు ధ్యానము
వగలమారి నేత్రమూ-కనదు నిన్ను మాత్రము
పూర్వజన్మ పుణ్యమూ-ఎరుగనంది ప్రాణము
చేతనైన సాయమూ-చేయకుంది దేహము
నా మాటే వినకుందీ- నా ప్రతి ఇంద్రియము
నీ దీవెన లేకుంటే పొందను ఏ జయము
కరుణాంతరంగ పాహి పాహిమాం || ఓం సాయిరాం||
చరణం2.
నిన్నే నమ్ముకుంటినీ- నడవలేని కుంటినీ
చేయిపట్టి నడిపించమని-నిన్ను వేడుకుంటినీ
దారులన్ని మరిచాను-బేజారై నిలిచాను
అంధకార మార్గమంతా-ఆతృతగా వెతికాను
నీవే పరంజ్యోతివని-సత్యము నెఱిగితిని
దారే చూపించమని-నిత్యము కోరితిని
శరణాగతావనరావె-వేగమే || ఓం సాయిరాం||