Thursday, August 19, 2010





చంద్ర వదన అందామా-మచ్చలేని అందమాయె
దేవకన్య అందామా-ఇలలో ప్రత్యక్షమాయె
పోలికే లేదు నీ అందానికి నాదృష్టిలొ
ఎవరికైన నీవేలే ఉపమానం ఈ సృష్టిలొ

1. ఎదుటనీవు కనబడితే-ప్రతి యెదలో ప్రమోదాలు
చూపు తిప్పుకోలేకా-దారంటా ప్రమాదాలు
నిన్నుచూస్తు బ్రతుకంతా హాయిగా గడపగలను
నీ చిన్ని నవ్వుకొరకు-ఏడు జన్మలెత్తగలను

పోలికే లేదు నీ అందానికి నాదృష్టిలొ
ఎవరికైన నీవేలే ఉపమానం ఈ సృష్టిలొ

2. కనులముందు నీవుంటే-వాల్చలేను రెప్పలైన
కలనైనా కలతువంటె-నిద్రిస్తా ఎప్పుడైన
క్రీగంటి నీచూపుకు-నూరేళ్లు ధారపోస్త
నువు చేయి అందిస్తే-చావునైన ఎదిరిస్తా

పోలికే లేదు నీ అందానికి నాదృష్టిలొ
ఎవరికైన నీవేలే ఉపమానం ఈ సృష్టిలొ