Tuesday, October 12, 2010

“మ(హ)త్తు”

“మ(హ)త్తు”
నీకు ఎంతో ఉన్నది లోకం-నాకు మాత్రం నీవే మైకం
ఎక్కడుంటుందో నీ చిత్తం-నా తలపుల నువ్వే మొత్తం
ఎందుకో మరి తెలియదు నాకు-అయిపోయా బానిస నీకు
1. అందగత్తెవి నువ్వనుకోకు-సుందరాంగులెందరొ తెలుసు
అందుబాట్లొ ఉన్నాననకు-మార్గాలెన్నొ ఎరుగును మనసు
ఎందుకో మరి తెలియదు నాకు-అయస్కాంతమున్నది నీకు
2. చూపులతో తూపులు వేసి-కనుసన్నల కట్టేస్తావు
నవ్వులనే ఎఱగా వేసి-నీ బుట్టలొ పడవేస్తావు
ఎందుకో మరి తెలియదు నాకు-ఇంద్రజాలమున్నది నీకు
3. కోపంగా నేనున్నప్పుడు-నిన్ను చూసి మంచై పోతా
వేదనతో వేగేటప్పుడు-కనబడితే సేదతీరుతా
ఎందుకో మరి తెలియదు నాకు-మహిమ ఉన్నదేదో నీకు