Monday, October 25, 2010

“వినవా-వినతి”

“వినవా-వినతి”
నడుము నంగనాచే
నాభి నాతొ దోబూచే
జఘనాలతో పేచే
జడ పామై తోచే
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా

1. ఎదలు చూపు బంధించె
పెదవి రక్తపోటు పెంచె
నాసిక నను వంచించె
నయనాలు పరిహసించె
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా

2. గొంతు మైమరపించె
మాట మత్తునెక్కించె
నవ్వుమాయ లోన ముంచె
నడక దాసునిగ మార్చె
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా

3. విసుగు నీ ప్రేమ ముసుగు
విరుపు నీ మేని మెరుపు
కోపం నీలోని వలపు
ద్వేషం ఇష్టాన్ని తెలుపు
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా