Saturday, December 25, 2010

“మా ’నవ’ కోయిలా!”

“మా ’నవ’ కోయిలా!”

అనుపమా! అభినవ పికమా!
అనుపమా!సార్థక నామధేయమా!!
సరస్వతే నీకు నేస్తము
సంగీతమే నీ సమస్తము

1. కలవరించగా
చేష్టలు నిలువరించగా
హరి నీ హృదయమే హరించీ వరించెగా
నీ సగభాగమై అవతరించగా తరించెగా

సరస్వతే నీకు నేస్తము
గానల’హరి’యే నీ సర్వస్వము

2. జ్ఞాన దాయిని
విజ్ఞాన వాహినీ
మేధావినే తొలుత నీ గర్భాన ఉద్భవించే
సుమేధ్ గా ప్రమోదమై ఆవిర్భవించే

సరస్వతే నీకు నేస్తము
ప్రజ్ఞా ’పాట’వాలే నీ సొంతము

3. వరవీణా మృదుపాణీ
సకల కళాస్వరూపిణీ
శ్రీవాణియే మలి నీ తనువున ఉదయించే
సుస్వరమే సుకృతిగా ప్రభవించే

సరస్వతే నీకు నేస్తము
సుమధుర గాత్రమే నీ అస్త్రము