నీరాజనాలు నీకు రాజన్న
రాజన్న రాజన్న రాజన్న ఎములాణ్ణ కొలువున్న రాజన్నా
దండాలు నీకింక రాజన్నా పేదోళ్ళపెన్నిధి నీవన్నా
దయగలసామివి నీవేనంటు నినుదర్శించ వొస్తిమి రాజన్నా
మా ఆశదీర్చేటి ఆసామి నీవని ముడుపింక దెస్తిమి రాజన్న
1. ఎంకన్న సామిని సూసొద్దమంటే ఏడేడు కొండలు ఎక్కాలంటా
రైళ్లు బస్సులెన్నొ మారాలంటా
అయ్యప్ప సామిని దర్సిద్దమంటే అల్లంత దూరాన ఉన్నాడంటా
నీమాల నోములు నోచాలంటా
కూతవేటులోన రాజన్న నువ్వు కొలువుంటివయ్య రాజన్నా
మనసున్న మారాజు నీవేనన్న మాకొంగు బంగారు సామివన్న
సాగిల దండాలు నీకన్నా-సాంబ శివుడవో రాజన్న
పొర్లుడు దండాలు నీకన్నా-పార్వతీశరాజరాజన్న
2. కాసిన్ని నీళ్లు తలమీద బోస్తే కనికరించె తండ్రివీవన్న-
గంగమ్మతల్లికి ప్రియుడవన్న
మారేడు పత్రి మనసార బెడ్తె-దయజూచే పెబువేనీవంట-
రాజేశ్వరమ్మకు పెన్మిటివన్న
ముందుగ మొక్కే గణపయ్య నీకు ముద్దులకొడుకేనంట
సూరుడు వీరుడు సుబ్బయ్య నీకు మోదమిచ్చెకుమరుడంట
కోడెమొక్కులింక నీకయ్యా-నందివాహన రాజ రాజన్న
మాతలనీలాలు నీకయ్యా-భీమలింగరూప రాజన్న
Subscribe to:
Post Comments (Atom)
Chakabagundandi.enjoyed
ReplyDelete