Friday, July 1, 2011

“జ్ఞాపకాల అంపకాలు”

“జ్ఞాపకాల అంపకాలు”

భాష చెప్పలేని భావం-స్పర్శ తెలుపుతుంది
మనసు విప్పలేని మర్మం-చూపు చాటుతుంది
అనుభూతుల సారం ఎపుడూ-అనుభవైక వేద్యమే
మధురమైన స్మృతులన్నీ-అనుక్షణం హృద్యమే

1. సంవత్సరమంతా- వసంతమే ఉండదు
నూరేళ్ళ బ్రతుకంతా-ఆనందం నిండదు
చీకటే లేకపోతే వెలుగుకున్న విలువేది
ఆకులే రాలకుంటే-కొత్త చివురు సృష్టేది

ఆడుకో నేస్తమా -జీవితం కేళిగా
మసలుకో మిత్రమా- వైకుంఠపాళిగా

2. ప్రభాతాలు సాయంత్రాలు-రోజూ అతిసహజాలు
కలయికలు వీడ్కోళ్ళు-పయనంలో పదనిసలు
వరదనీరు వచ్చేస్తే-పాతనీరు మటుమాయం
గడిపిన మన సంగతులెపుడు-మరపురాని మధుకావ్యం

నెమరువేయి నేస్తమా-దిగులుగా ఉన్నపుడు
దరికిచేరు మిత్రమా-గుబులుగా ఉన్నపుడు