Thursday, August 25, 2011

సంపద పదం

సంపద పదం

నీరాజనం క్షీరజ
జయ నీరాజనం చంద్ర సహజ
నీరాజనం హరివల్లభ
మంగళ నీరాజనం భక్త సులభ

1. నీ పదములొసగు కొదవలేని సంపదలు
నీ కరుణ కురియు సిరులే సిరులు
దయతో నువుబ్రోవగ భోగ భాగ్యమ్ములు
కృపతో నువుజూడగ ఆయురారోగ్యమ్ములు

2. అడుగిడితే సరి పాడీపంటలు నవధాన్యాలు
నీ పొడగంటే మరి అస్తీఅంతస్తులు నవనిధులు
నీదర్శన మాత్రాన కాసులు ధన రాశులు
కాలుమోపినంతనే తొలుకు కనక వర్షాలు

3. నీ చరణాలు శరణంటే మణి మాణిక్యాలు
నీ పాదాలు తలదాల్చితె శాంతీ సౌఖ్యాలు
నీవు కటాక్షిస్తే పదవులు అధికారాలు
ప్రేమమీర వీక్షిస్తే పేరూ ప్రఖ్యాతులు