నందివాహన నమోనమః
కోడె నెక్కి ఊరేగే వాడ
రాజన్నా-నీవుండెతావిల వేములవాడ
కళ్లురెండు చాలవయ్య నిన్నుజూడ
పిలిచిన పలికే తండ్రి రాయేశుడ
1. మొదటిగ మొక్కేటి గణపతి నీకు
ముద్దులొల్కె పెద్ద కొడుకేనంట
గారాలమారాజు నెమిలివాహనుడు
కుమారస్వామే ప్రియ పుత్రుడంట
గంగమ్మతల్లినీ తలమీదకొలువుండ
రాజేశ్వరమ్మ నే నీ సగమై వెలుగొంద
కళ్లురెండు చాలవయ్య నిన్నుజూడ
పిలిచిన పలికే తండ్రి రాయేశుడ -వెములాడ రాయేశుడ
2. ఇంటి నిండ ఎటుజూసిన ఐశ్వర్యమే
ఒంటినిండ నగలన్నీ పన్నగములే
సిగలొతురిమినావంట చంద్రయ్యనే
మనసు నిండ పొంగిపొర్లు దయాసంద్రమే
సింగారాల శివరాయా సిత్రము నీ నగవే
చర్మాంబరదారి నీ రూపము గనగ వరమే
కళ్లురెండు చాలవయ్య నిన్నుజూడ
పిలిచిన పలికే తండ్రి రాయేశుడ-వెములాడ రాయేశుడ
Subscribe to:
Post Comments (Atom)
0 comments:
Post a Comment