Saturday, May 19, 2012


ఎ ద కో యి ల కో వె ల.
ఆమని అరుదెంచినా-మామిడి చిగురించినా
పాడవేల  కోయిలా-మూగవైతివే ఎలా?
ప్రేమగ నిను పిలిచినా-ఎంతగ కవ్వించినా
ఉలకవైతివే పికమా!అలక ఏల ప్రియతమా !!

1.  1.    గ్రీష్మ౦ భీష్మి౦చినా-వర్ష౦ వారించినా
శరత్తే చకోరాల-మత్తులోన మునిగినా
హేమంతం పంతంగా-ముఖం చాటేసినా
శిశిర౦ కలవరపడి -మాట దాటవేసినా
వాసంతం తనుసాంతం-నీకు సొంతమయ్యెగా
నీ గీతం అమృతమని-నీకు బానిసయ్యెగా

పాడవేల  కోయిలా- మూగవైతివే ఎలా?
ఉలకవైతివే.పికమా!అలక ఏల ప్రియతమ!!

2.   2.   గాలి కూడ కలుషితమై-ఊపిరాడకున్నదా
నిర్మలమగు నీరు లేక-దప్పి దీరకున్నదా
నిప్పులకొలిమిలాగా-ఎ౦డ బాధించెనా
ప్రశాంతతే కరువైన-ప్రకృతి వేధించెనా
తోడెవరూ లేరనుకొని-ముభావంగ ఉన్నావో
కోవెలలో దేవతగా-కొలిచే నను మరిచావో

పాడవేల  కోయిలా-మూగవైతివే ఎలా?
ఉలకవైతివే పికమా...!అలక ఏల ప్రియతమా..!!

Thursday, May 17, 2012

జర పైలం బిడ్డో..!!


జర పైలం బిడ్డో..!!
పరువమా..పాడకే..వలపుపాట..
ఏ క్షణం..జవదాటకే..మనసు మాట..
వయసు నిను..ఉడికిస్తుంది..- సొగసు నిను ఊరిస్తుంది....
తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.

1.        ఎంతగా ఉదహరించినా..దృష్టి పెట్టవెందుకు..నేస్తం..
సాటివారి..భంగపాట్లను..పట్టించుకోని తత్వం..
మృగతృష్ణ కై పరుగెడితే..మూర్ఛ వచ్చు నీకు తథ్యం..
స్థాయి మరచి ఉట్టి కెగిరితే..దెబ్బతినుట..నీకు ఖాయం..

వయసు నిను..ఉడికిస్తుంది..- సొగసు నిను ఊరిస్తుంది....
తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.

2.       తప్పు నీది కాకున్నా....శిక్ష నీకె..పడుతుంది..
సృష్టి సహజమైనా..గాని..నష్టం వాటిల్లుతుంది..
ఆకు ముల్లు సామెత..నీకు..అతికినట్టు సరిపోతుంది..
ఆకతాయి పనులకు..మూల్యం..జీవితమే..అవుతుంది..

వయసు నిను..ఉడికిస్తుంది..- సొగసు నిను ఊరిస్తుంది....
తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.