Sunday, June 17, 2012




పరుల మాటలు పట్టించు కొనుచు
పలుచన సేయకు నను ప్రాణనాథా..
నీవేరుగనిదా నా మది- నీకది ఏడేడు జన్మాల ఖైదీ

1.     ప్రీతిగా చేకొన్న సీతను సైతం-
అడవుల పాల్జేసే అలనాడు రాముడు
సాధ్విగ పేరున్న రేణుక నైనా
దండించె జమదగ్ని మునివర్యుడు
ఘనులకైనా తప్పనిదే విధి-అనితర సాధ్యము మీ ప్రేమ పెన్నిధి

2.     ఒరుల మెప్పుకు బలిసేయవలేనా
నరుల దృష్టికి మసి బారవలెనా
పచ్చనైన కాపురాన -చిచ్చు రేపుట న్యాయమా
సాగుతున్న సంసార నావను -సుడిలొ ముంచుట భావ్యమా
          నీవేరుగనిదా నా మది- నీకది ఏడేడు జన్మాల ఖైదీ