Sunday, January 6, 2013

గుచ్చితే నేమి..గుండెలో సూది


పల్లవి:గుచ్చితే నేమి..గుండెలో సూది
చేరింది మల్లి నీ వక్షస్థల సన్నిధి..
పుట్టితేనేమి పంకమందు నళిని ..
అయ్యింది పద్మము నీ పాద దాసీ.

అను పల్లవి:మూడు నాళ్ళయితె నేమి జీవిత కాలం..
వెదజల్లగ పరిమళాల కౌముది..
రెప్పపాటైతెనేమి..ఆయుర్దాయం 
సేవించి తరించగా శ్రీ చరణ యుగ
ళి

1.     పువ్వు పువ్వు పైన వాలి మకరందము గ్రోలి
తేనెపట్టు ప్రక్రియలో తను సాంతం కాలి
పంచామృతాలలోన..మధువు ను అందించి
నీ అభిషేకసేవలోన తరించదా..మధుపం
మూడు నాళ్ళయితె నేమి జీవిత కాలం..
వెదజల్లగ పరిమళాల కౌముది..
రెప్పపాటైతెనేమి..ఆయుర్దాయం 
సేవించి తరించగా శ్రీ చరణ యుగళి

2.     అల్లికయే వేదముగా స్వేదమంత వొలకబోసి
వొంటి లోని జిగురునంత ఒద్దిక గా గూడు నేసి
నువు కట్టే పట్టుబట్టకు బ్రతుక౦తా ధార బోసి
ధన్యత నొందింది పట్టు పురుగు సేవ జేసి
మూడు నాళ్ళయితె నేమి జీవిత కాలం..
వెదజల్లగ పరిమళాల కౌముది..
రెప్పపాటైతెనేమి..ఆయుర్దాయం 
సేవించి తరించగా శ్రీ చరణ యుగళి