Monday, February 9, 2015

జానపదమా నీకు నీరాజనం

జానపదమా నీకు నీరాజనం
పల్లె పదమా పాదాభి వందనం
అలుపెరుగని శ్రమకు నీవు ఆలంబన
మమేకమయే కృషికి నీవేలే ఆసరా

1)మైమరపే శృతినీకు
ఏకాగ్రతె లయ నీకు
ఉరిమే ఉత్సాహమే
సంగీతము నీ పథముకు
అనుభవాలు అనుభూతులు
నీ సాహితి సొబగులు
కలలూ ఊహలూ
నీ గీతికి వస్తువులు||జానపదమా||

2) చేతిలోని పనిముట్లే
దరువుకు ఆదరువులు
పెదవులపై ఉల్లాసపు
ఈలలే వేణువులు
వంతపాడు గొంతులే
నీకు వాద్య బృందాలు
ఆశువుగా పుట్టిన శిశువా
నీ తోబుట్టులె ఆనందాలు||జానపదమా||