https://youtu.be/iRGTHuY5IZQ?si=4UIaom1810-fViKt

నీ నవ్వులో విచ్చుకున్న పారిజాతాలు
నీ చూపులో గుచ్చుకున్న వసంతాలు
నీ చేరువలో మలయమారుతాలు
నీ తలపులలో ఆహ్లాద జలపాతాలు

1.నీ సుందర వదనం ఉదయ సూర్య బింబం
నీ చందన దేహం నిశి శశి చందం
చేజారిన మణిపూసవు ఈ నాటికి
పదిల పరుచుకుంటా అనుభూతులు ఏనాటికి

2.నా కొరకై దిగి వచ్చిన దేవత నీవు
నాకిలలో వరమిచ్చే విధాతవు నీవు
నీ సహవాసం ప్రతిరోజు మధుమాసం
నీ దరహాసం అపురూప బహుమానం

3.మనం కలుసుకున్న ప్రతిక్షణం మరువం
మన కలల నందనం మరులు రేపు దవనం
వచ్చేజన్మ లోనూ పెనవేయనీ మన బంధం
ఊహకూ హాయి గొలుపు మన సహజీవనం