రచన:
RAMKISHAN RAKI GOLLAPELLI

చిలకా గోరింక
చెరిసగమైనాయి
కలువ నెలవంక
ఒక జగమైనాయి
గత జన్మల ప్రణయాల గురుతుగా
దివిన జరుగు పరిణయాల
ఋజువుగా

1.మనసులు ఏకమైన మనువుగా
తపనలు కలగలిసిన తనువుగా
అర్థవంతమైన బంధాన అడుగిడగా
అర్ధనారీశ్వరమైన మనుగడగా

సాగిపోతుంది జీవితం
కలలే సాకారమై
విలసిల్లుతుంది కాపురం
మమతల ప్రాకారమై

 2.ఒడుదుడుకుల జడివానల నధిగమించి
చిరుచిరు కలహాలనే విరమించి
ఒకరి కొరకు ఒకరనే ఎప్పుడూ తలంచి
ఎదుటివారి సలహా శిరసా వహించి

ఆదర్శవంతమై నిలవాలి దాంపత్యం
పిల్లాపాపల నవ్వులు పూయాలి ప్రతినిత్యం