విద్దెల తల్లి ఓ పాలవెల్లి
ముద్దు సేయవే నను వద్దనక
నీ బాలుడనే పలుకుల నెలత
నను దయగనవే గొనవే చేజోత

1.మదిలో మెదిలిన సుద్దులనన్ని-ఒద్దికగా నుడివించవే
మతిలో చెలగెడి చింతనలన్ని-సుగతినెప్పుడు నడిపించవే
పెదవులు దాటెడి పదముల-నొడుపుగ సడిసేయవే
తలపుకు మాటకు పొంతన నెఱపి-తెఱకువ నీయవె

2.తేనియలొలికే సుతినే-స్వరమున వరమీయవే
నయమును గూర్చెడి అనునయ బాసను-దయసేయవే
చెవులకు చవులూరు నాదము గొంతున-వెలయించవే
కవితా పాటా పాటవమున-నొప్పారగా దీవించవే