ప్రేమైక లోకంలో 

అరవిరిసే అందాలు అనుబంధాలు ఆనందాలు
అరవింద నందనంలో 

మది మురిసే చందాలు సుమగంధాలు మకరందాలు

కాలమనే పళ్ళెం లో ఋతువులన్నీమారు 

నోరూరు రుచులు షడ్రుచులు అభిరుచులు

ఆమని కమ్మని మామిడి కిసలయ కలవడు 

కోయిల కూజిత మకరందాలు

వేసవి ఎండలు గ్రీష్మపు తపనలు మాడ్చే 

వడగాడ్పలు ప్రతీకారా కారాలు
తీరే దాహాల తీరులు స్వేదాలనార్పే 

పవన ఓదార్పులుమజ్జిగ నీళ్ళు మకరందాలు

ఉరుములు మెరుపులు మేఘ వర్షాలు 

మట్టి హర్షాలు లవణమిళిత సెలయేరులు
వడగళ్ళు నాగళ్ళు పల్లెటూళ్ళు 

పురివిప్పి నర్తించే నెమళ్ళు కాకక్క పెళ్ళిళ్ళు
 
తారల చెలియలు వెన్నెల చెలిమెలు 

చెలియతొ ఏకాంతాలు నిశాంతాలు
శరదృతుమత్తులు మన్మధ గమ్మత్తులు 

అగరొత్తులు వగరు పెదవి మకరందాలు

వింతలు కవ్వింతలు ఇంతని లేని 

ఇంతుల కాంతుల పలు చింతలు
హేమంత కౌగిలింతల వలపు పులుపు 

గెలుపు పందాల మకరందాలు

లేని రాని రాలేని రాయలేని అనుభూతులు 

తీరని విరహ శిశిర పత్రాలు
వసంతాలు ఆసాంతాలు ఆకాంక్షల చేవ్రాలు

వేదనలు మరి'చేదే మకరందాలు