గుండెనిండ నీవేనయ్యా కొండగట్టు అంజయ్యా
మా అండ దండ నీవేనయ్యా రామభక్త హనుమయ్యా
వందనమిదె గొనుమయ్యా వాయుపుత్ర హనుమయ్యా
సుందరమూర్తీ స్వామీ అంజనిసుత అంజయ్యా
1. ఇలవేల్పువు నీవే మా కులదైవమూ నీవే
బుద్దెరిగిన నాటి నుండి ఇష్టదైవమూ నీవే
కష్టములే కలుగనీయవు-నష్టములే జరుగనీయవు
గ్రహపీడల హరియించి అనుగ్రహించేవు స్వామి
2. రామనామ స్మరణయన్న ప్రేమమీరజేసేవు
రామనామ గానమున్న మేనుమరచి ఆడేవు
రామపాదసేవకే అంకితమైనావు
శ్రీరాముని ప్రియసఖునిగ వన్నెకెక్కినావు
3. దంపతులకు ఎడబాటును తొలగించిన వాడవు
పునర్జీవితులజేయు సంజీవరాయుడవు
యుగయుగాల వెలుగులీయు చిరంజీవివైనావు
స్వామిభకిపరాయణకు తార్కాణమైనావు
No comments:
Post a Comment