రచన,స్వరకల్పన&గానం:డా.రాఖీ
తగిలించి ఇగిలిస్తావు
చంపుతూ చక్కిలిగిలి చేస్తావు.
మరీ ఇంత విపరీతమా
ఇదే నీవు చేసే హితమా
అలమేలు మంగాపతి
నిను నమ్మితిననా నాకీ దుర్గతి
1.నీపాల బడడమే గ్రహపాటా
నీ పాట రాసితినే ప్రతిపూటా
ఇంటా వంటా బయటా ఏల గలాటా
నిను కీర్తించడమే నా పొరబాటా
తిరుమల శ్రీ వేంకటపతి
నిను నమ్మితిననా నాకీ దుర్గతి
2.కర్తా భర్తా హర్తా నీవని ఎంచితి
సత్వరజస్తమో గుణాల త్రుంచితి
వాంఛయే అశాంతిగా గ్రహించితి
నేను నాదను భావననే అధిగమించితి
పరమానందకారకా జగత్పతి
త్రికరణశుద్ధిగా నను నీకర్పించితి
స్వామీ నీకర్పించితి